今天再次來到我這個記名徒弟的家裡為他家佈局。我這個小徒弟今年只有兩歲半，在媽媽肚中已被驗出少左個腎，無論係醫生定係家人都叫佢落左個BB，但係這位媽媽老來得子，所以堅持把BB生下來。
由BB拿出世紙（改名）那天開始，BB就住醫院，尿道不斷發炎，整天發燒，情況也不樂觀，如是者到了一歲，她媽媽經朋友介紹認識了我，希望我幫幫她。
但第一次見佢，佢不是問佢兒子的問題，反而問我佢仲有無得生，係仔定女。（因為事前朋友已把她和她孩子的情況告訴我，所以我才答應見她。）那一刻，我真係火都黎，你個仔都未死，你做人阿媽已經放棄自己個仔，你係咪人啊！你點可以咁！
她聽後好驚訝，為何我會罵她，她說好多醫生都同佢講，佢個仔死硬！無得救！這個情況下，國家是容許生多個。嘩！我聽後，真係怒髮衝冠，即刻媽到佢阿媽都唔認得，跟住我同佢講：「你唔救你個仔，我救！」
即刻就拿了小孩的八字和姓名，得知其八字嚴重欠金水，水者腎也，故腎出問題，再睇小朋友個名全是火土，怪不得改名後立即入院，這個名就是催命符。
跟手即刻幫小朋友改了個名，有金有水、合八字、生肖、筆劃、讀音、字義，真正改名方法是有傳承的，非坊間時師或書籍可以相比。佢媽媽竟然問我，就咁叫名，不去改行不行？嘩！那刻心中爆左句「xxx」額頭上三條黑線飛左出來，你xxx真是想自己個仔死嗎？我同佢講：「當然不可啦！你明天立即去跑流程，一定要把名字改好。」這個女士是外國某大型連鎖家俱品牌（香港人好中意去）的分區總裁，所以這對她只是小菜一碟，都不知她想點。
欲知後事如何，且聽下回分解。
2015年5月15日